اول شتوايه اخيرا
من الربيع اللى فات و انا مستنيه الدنيا تمطر
اشتقت للمطر و للشوارع المغسوله و ريحة الهوا اللى مرشوش بروايح الملايكه
بس دى لسه اول شتويه
نقط خفيفه ضعيفه يدوبك رشرشة فرح خفيفه تلمس القلب
لسه متقدرش تغسل هموم و اشتياق سنه كامله
يدوبك رشة تفائل تمنينى ان بكره اجمل
بكره حتيجى المطره اللى مستنياها تغسل روحى و تداوى اللى باقى من جروحى
فيه ناس بتتمنى جنتها صيف و شمس دافيه انا بتمناها بحر عالى و بداية شتا
من الربيع اللى فات و انا مستنيه الدنيا تمطر
اشتقت للمطر و للشوارع المغسوله و ريحة الهوا اللى مرشوش بروايح الملايكه
بس دى لسه اول شتويه
نقط خفيفه ضعيفه يدوبك رشرشة فرح خفيفه تلمس القلب
لسه متقدرش تغسل هموم و اشتياق سنه كامله
يدوبك رشة تفائل تمنينى ان بكره اجمل
بكره حتيجى المطره اللى مستنياها تغسل روحى و تداوى اللى باقى من جروحى
فيه ناس بتتمنى جنتها صيف و شمس دافيه انا بتمناها بحر عالى و بداية شتا
15 comments:
كلنا اشتقنا لشتا
اشتقنا لما الدنيا تكون سعقة
و نعد نلبس شاربات في رجلنا و نلبس الدولاب كله علينا
ونشرب الكابتشينو و النسكافيه
انا كمان فرحت موت على شوية الشتا الخفيف دول
متهيألى انتى عارفة احساسى بالشتا من تدوينتى
انا مبسوطة انك لقيتينى الاول كنت اتمنى ان انا اللى انول الشرف ده
بس ان شاء الله تبقى معرفة خير وصداقة قوية
سلام يا اسكندرانية
مساء الخير
وكل سنة وحضرتك طيب
رمضان كريم
تحيات إسكندراني في بلاد الله الواسعة
يا بختكم إن الدنيا بتشتي عندكم
:-)
مرحبا بالعوده ولو أنها متأخره
تحياتي
كل سنه وانتي طيبه يا هبه
متاخره معلش
انا اخدت الشتوايه دي على دماغي كنت في سوق شديه بجيب حاجات
محدش يعرف قد ايه اسكندريه بتبقى جميله في الشتا
تحياتي
نبأ هاااااام
هبه اختي هتنشر اول كتاب ليها في الأسواق يا ناس
والمفاجأه ان الكتاب هو السلسله اللي كانت بتنشرها في مجلة بص وطل
يوميات اتنين مخطوبين "عمر و ساره"
الموقع بتاع بص وطل نشر الخبر وحاطين الصوره وهي بتمضي العقد
استعدوا عشان تشتروا الكتاب
اهم حاجه ان الكتاب فيه بس اللي هي كتبته مش اللي الناس كتبوه
لأن الفكره ناس حاولت تستغلها وتكتب فيها اللي على مزاجهم
صدقوني هتعجبكم قوي
وممكن تقرأو ا الأجزاء الأولى من ارشيف مجلة بص وطل
والحاضر يعلم الغايب والغايب يسأل الحاضر
سلاااااااااااااااااااااااااام
بحب المطر جدا
مدونه جميله يا هبه
بحب الشتا زيك تمام
فعلا ريحة الجو بعد المطر لا تقاوم
ازيك؟
الله يا بختك انا بحسدك
كان نفسى اخد انا كمان حبة شتويه على وحشنى شتا اسكندرية
معلشى من اولها شوية ار لكن اللهم لا حسد
كل سنة وانتى وناسنا كلهم طيبين
و رمضان كريم
عروس البحر
ايوه انتى عارفه البرد بيقربنا من بعض اكتر علشان القرب بيدفى
مريم
انا اللى اسعد بمعرفة بنوته رقيقه زيك
اسكندرانى
و انت طيب و بصحه و سلامه
الله اكرم
و يارب يجعله شهر خير علينا و عليكم
اليكس فار اواى
لسه اول شتويه تحنيس من بعيد لبعيد يعنى و بعدها شفنا يومين حر موت
ابقى امسك الخشب المره الجايه :-)
شكرا و اتمنى متحرمنيش من زيارتك للمدونه
اسكندرانى قوى
و انت طيب
انا كنت جنبك فى كليوبترا وقتها بس خدتها على دماغى مخصوص نزلت من المكان اللى كنت فيه علشان استقبلها..كفايه احنا نعرف جمالها .مش عايزين زحمه..اسكندريه بتكون بتاعتنا فى الشتا
الشنكوتى الكبير
مبروك لهبه ..عقبلنا
بس الاعلانات بعد كده بفلوس ها علشان متقلش مقلناش :-)
حصان برى
المطر بيغسلنا من جوه
شكرا على زيارتك
سمبتيك
دى ريحة البرائه الشتا بيغسل اللى عمله الصيف فيها و بيطهرنا معاها
دايما تعليقك بيفرحنى متحرمنيش منه
عصمت
و انتى طيبه يا عصمت
و السنه الجيه ان شاء الله تكونى هنا
و تستقبلى معانا اول شتوايه
سعيده بمعرفتك
و الله اكرم
:)
أزيك يا هبة يا بنت أسكندرية
واحشنى
قصدى أسكندرية
:)
و نسمتها العافيه
و أيامها اللى ماتتعوضش فى حته تانيه
فكرتنى والله بيها بأول شتويه
انا برضه زيك ياهبة بعشق الشتا
وبموت فى المطر
عامل زى العيال الصغيرة تمام
موضوعك جميل وعميق
elly ma ye7ebsh eskendria dah yb2a 3abeet .. fi 7ad ma ye7ebsh el donia lama teb2a romady we el sama malyana matara we el shaware3 betelma3 we tebro2 .. hwa fi a7la mn keda ..
begad thanks 3la el post el to7fah dah ..
ahmEd_H:
ازيك يا احمد اكيد انت كمان واحشها و اللى وحشها اكتر عدسة الكاميرا بتاعتك
يالله تعالى اهى راقت و جماله بيرجع تانى
MOSLIM
كلنا عيال صغيره يا مسلم بس مستخبين فى اجسام ناس كبار
شكرا على العليق و على الزياره
هنا الجنة
قلبت عليه اشتياقى للمطر
شكرا ليك انت على الكلام الحلو ده
في رأيي اللي مشفش اسكندرية في الشتا يبقى ميعرفهاش
أنا من القاهرة
مش عارف أوصف حالة الدهشة اللي جات لي لما كنا في رحلة علمية أيام الكلية، مش عارف إذا كنتي رحتي المناطق الطبيعية بره اسكندرية زي كهف بروملي ولا لأ
المدينة نفسها في الشتا كانت رائعة، بس ده أنا عرفه من وأنا صغير لسه فاكر كل حاجة من زيارة يوم واحد وأنا في أولة إعدادي لحد دلوقت
حتى كنت كتبت عن الزيارة دي
لكن الطبيعة هناك ، في الجو ده حاجة تانية
كل ما أفتكر ده وأنا ماشي في شوارع المطرية اللي بتغتال مبانيها القديمة دلوقت، أشجارها، القصور والفيلل وتطلع مكانها عمارات عالية قبيحة
خنقت المكان
أشعر بالحسد
على العموم، على خلاف العادة شتا سعيد
وسعيد إني لقيت حد بيحب الشتا زيي
ممكن أحسدكم
Post a Comment