بحاول اهرب من زمان
بهرب و بتمنى الامان
بجرى و اسيب كل الحاجات
كل الصحاب و والأمنيات
و اغرق بحلمى فى السكات
بغرق فتوهه مزمنه
تتساوى فيها الازمنه
الثانيه فيها و الدقيقه
زى السنين زى السعات
بحاول اهرب من الالم
من الدموع و من الندم
و اهرب كمان من الاشتياق
و من مرار طعم الفراق
و اهرب كمان من وحدتى
و من اساور دنيتى
من الخضوع و الامتلاك
بهرب بجرى من الهلاك
بهرب و بتمنى الامان
بجرى و اسيب كل الحاجات
كل الصحاب و والأمنيات
و اغرق بحلمى فى السكات
بغرق فتوهه مزمنه
تتساوى فيها الازمنه
الثانيه فيها و الدقيقه
زى السنين زى السعات
بحاول اهرب من الالم
من الدموع و من الندم
و اهرب كمان من الاشتياق
و من مرار طعم الفراق
و اهرب كمان من وحدتى
و من اساور دنيتى
من الخضوع و الامتلاك
بهرب بجرى من الهلاك
15 comments:
حسيت أوي كلامك يا هبة
أوي يا هبة
يمكن عشان..
مش عارف
الصدق ؟
آه ممكن .
أنا كمان باحاول أهرب زيك ..
يعني
هي حالة ولا إحساس ولا إيه
باتمنالك الأمان والنور في آخر الحلم يا صديقتي
شكرا يا حسن على مداومتك على التعليق بتحسسنى ان فى حد مهتم للدرجه دى
مش عارفه اذا كان احساس و لا حاله بس هو موجود فحاولت اكتبه يمكن اعرف "اهرب " منه
يارب نلاقيه فى اخر الحلم
هبة الصديقة .. كل عيد وانتي أطيب وإلى الله أقرب .
بيفرحني جدا أزور اسكندرية بتاعتك .. من خلال عينيكي وإحساسك
وبحس بارتياح حلو لما بادخل على مدونتك وألاقي بوست جديد ليكي أو حتى تعليق .
يارب تلاقي الفرحة في العيد ده وماتسيبيهاش تمشي .
تحياتي
بحاول اهرب من الالم
من الدموع و من الندم
كويس إنك تحاولي تهربي من الحاجات دي ، قولي لي لما تفلتي ، قولي لي لما توصلي بر الأمان ، قولي لي عرفتي تهربي إزاي ، انا برضه بحاول اهرب منهم لكن لغاية النهاردة مش عارف
ساعات الخوف يبقى صديق .. الواحد يرتاحله ويحضنه .. ويهرب بيه في أي حته
بس عارفه المشكله في ايه يا هبه
انه بيبقى جزء من تركيبة الواحد
عمره ما يسيب الواحد
حتى لو الواحد بقى شجاع جدا فبيظل جواه الكائن الصغيور اللي خايف ده
وممكن الواحد يعيش سنين متهيأله انه عنده القوه النفسية اللي مش ممكن يحس معاها بخوف .. بس برضو ابن اللذين ده مش بيطلع من الواحد إلا لما مع روحه وهي طالعه
اول مره لي هنا وشكلها مش اخر مره
ازيك يا هوبى
على فكرة بقى الحكاية حكاية قرار
الاقوياء مش بيهربوا انما بيقرروا يقفلوا الصفحة فبتتقفل
انما الغلابة اللى زيى كده مهما جروا الحزن وراهم وراهم
ربنا يسعدك يا اسكندرانية
مساء الخير ؛
كل سنة وحضرتك طيب وبالف خير
عام جديد سعيد عليك وعلى كل احبائك
تحيات إسكندراني في بلاد الله الواسعة
مش ملاحظة انك اتأخرتي ؟
2008
طب ادخلي كحي واخرجي طب :)
رأيي إنها قصيدة رااائعة يا هوبة ، مكثفة و متقنة ، وإحساسك فيها جميييل وواااصـل قووووي
و دي العوامل العشرة للنجاح
تحياتي ، ربنا يسعدك
العزيز حسن امين
انا اللى بيعدنى تعليقك و بتشرفنى زيارتك
يارب الاقيها و لو عليا حتبت فيها بايدى و سنانى بس عالله هى اللى متسبنيش و تمشى :)
شكرا يا حسن
بلدياتى العزيز محمود ماجد
الهروب على قد ما هو مريح بس ليه
ضريبته هو الاسهل صحيح بس بتمنى اقدر اوجه فى يوم
اخ جامعه
متهيئلى قصدك بنحاول نتعايش معاه هو فعلا كده خفاش لما بيلزق مبيطلعش و بيبئا لازم علينا نلاقى طريقه نعيش بيها معاه
شرفتنى
مريم
ازيك يا مريم
اه بس ازاى نبئا من الاقويه دول يا مرومه و لا دى طبيعه مينفعش تتغير
شكرا يا ستى يارب انا و انتى
اسكندرانى فى بلاد الله الواسعه
و حضرتك طيب و بصحه و سلامه
شكرا على مرورك
حسن
كح كح ...:)
بجد بجد شكرا على اهتمامك ده يا حسن
سنه جديده سعيده عليك يارب
ابراهيم ..معايا
كل ده يا ابراهيم شكرا يا سيدى منتحرمش من اراءك دى ابدا
بس (تانى ) دول مش عشره :)
و يسعدك
يخرب بيت عقلك
جميلة جدا يا هبة
جميلة المدونة والموضوع اجمل
تحياتى
ahmEd_H
شكرا يا احمد بس منغير خراب هى مش ناقصه ربنا يكرمك :)
سعيد حامد شحاته
شكرا يا سعيد انا اللى سعيده بتعليقك
بجد كلمات جميلة انا بدور على الشعر عشان انا بكتب شعر بس بجد عجبتنى اوى
اكيد ححتابعك
Post a Comment