بفتح بلكونتى كل يوم الصبح علشان النور يطرد بقيت النوم و الكسل من الاوضه و من عيونى اللى لسه نعسانه
بتكون الشمس وقتها قربت توصل لنص السما الضوء ساطع
بتعمد ازق الشيش بسرعه علشان الضوء يهجم دفعه واحده يخلينى اشوف كل الحجات بتلمع كلها بدرجات الفضى و الابيض
لمدة ثوانى بقف كده و انا ببتسم
4 comments:
يا بختك يا هبهوب
انا بقوم من النوم قبل النور ما يبان علشان الشغل
بس الحمد لله بعوضها بنسمات الفجر النظيفه النادره في القاهره
تحياتي
سلااااااااااااااااام
الشنكوتى الكبير
وقت الفجر ده حاله تانيه لوحده ملوش مثيل يا بختك انت
شكرا على التعليق
آخر مرة عملت كده يا هبة كان في ابتدائي تقريبا :)
كنت بحب ألعب مع الشمس البرتقالي الصغيورة ..شمس السادسة
لكن الشمس البيضا الفضية المزرقة اللي انتي بتقولي عليها بتيجي حوالي تسعة أو عشرة الصبح..والوقت ده في السنين اللي فاتت كنت بكونه في المحاضرات أو في السكاشن ..واليومين دول في المعمل ..بحب الشمس ووحشتني .. تخيلي !
كأني ساكن في اسكندنافيا في شهور الظلام .هي الشمس أكيد موجودة ..بس أنا اللي بقالي كتير ما واربتلهاش الشيش.
شكرا يا هبة انك فكرتيني ..
ملحوظة ..شمس اسكندرية بيضا غالبا..تحسي انها نضيفة .. مغسولة بميه صافية ..
شمس اسكندرية بجد غير أي شمس شوفتها
تحياتي
العزيز حسن امين
اول مره اخد بالى من ان الشمس ليها الوان كتير كده بس انت صح
انت اللى شكرا انك خلتنى اخد بالى
عندك حق الشمس هنا مختلفه رغم انها نفس الشمس
اسكندريه الماريا بترمى على ضوء الشمس بهجتها و صفاها
تحياتى ليك يا حسن
Post a Comment