نورس وحيد فارد جناحه للهوى
راح طاف و شاف كل البحور
و جه سكن على بحرنا
صياد و غاوى يصطاد حكاوى العاشقين
اللى رماهم عشقهم على شطنا
مهو بحرنا مش بحر عادى
موجه بيحدف القصص على الشط دايما
من كتر جوفه ما اتملا
.
حكاوى جدعان شدهم راحو و مرجعوش من زمان
و صبايا رافض حلمهم يموت معاهم قبل الاوان
و حكاوى لسه بتتغزل على الشط كل يوم هنا
و النورس الابيض يلملم من هنا و من هنا
.
يغزل بمنقاره الجميل عقود امل
يلضم حروف متنتوره تتلم تتكون جمل
و يطيييييير يغنى غنوته
و يطييير بيرقص رقصته
و يطيير يعلمنا الحياه
3 comments:
نص رائع يا هبة
بس ما تبقيش كسلانة وعالجي الكسور اللي فيه
سمعته لبابا وعجبه وقالي انك لازم تخللي بالك من الكسور
تحياتي وما تحرميناش منك
العزيز حسن
انا متشكره قوى على اهتمامك ده بجد ببئا مبسوطه بتعليقك
عندك حق انا محتاجه اعمل مجهود زياده فى الموضوع ده بس لما بفكر فى الوزن و انا بكتب اوقات بيتوه من المعنى و احس انى متقيده قوى لكن اكيد فى طريقه وسط يمكن مع الوقت
تحياتى و شديد احترامى لوالدك
تقدم شركة ركن الهدى 0556754301 افضل خدمات مكافحة الحشرات باقوى المبيدات الالمانية التى تقضى على الحشرات نهائيا مع الضمان الشامل ضد الحشرات بالدمام وتقدم خدمات تسليك المجارى بااحدث الاجهزه التى توزيل الاتسدادات فى الدمام
شركة مكافحة حشرات بالدمام
شركة تسليك مجارى بالدمام
شركة مكافحة حشرات بالقطيف
Post a Comment